دا
دا! بیو،دردت وجونم
بانی عشق و جنونم
و نشون بی نشونی
بیت شعری سیت بخونم
دا ایخم پرست کنمهم
وتبگم بایصبح وشونم
ایوریسی،سردت ایبو؟
مو بمیرم وی همه غم
نی زمهسون یا بهاره؟
تیت واپس سی نگاره؟
دا هنی چی زیتریمو
مشک دوییت هم و داره؟
دا پسینل روز بارون
برف که ایزنه و غارون
دا خدا جونم درا سیت
من دلم ایبوهه طیفون
دا هنی چشم انتظاری؟
نیمه شو تاصب دیاری؟
مه هنی هیمه و پشتت
از من صحرا ایاری؟
دا دو دستت پینه بهسه
دارت انگار پوس وخهسه
هرچه بد بی من دنیا
همشو پای تو وهسه؟
دا وری جمع کو بیو شهر
زندییم ایبوهه وا زهر
از وقتی که تنه دیدم
بخدا از نو ایکنم قهر
دا د او دوره ول وابی
روزگارم جل جل وابی
مثل قالی بند گرما
تار وپودم سیتخُل وابی
بهخدا د نی رَسونم
ار اجل داده امونم
بال پرواز ایدرارم
ایایم،و تیت ایمونم
شیدایِدیدار
فی البداهه☆
روز مادران زحمتکش مبارک🌹💖